سلام عليكم
اليوم قررت نكتب شي كلمات على كاس العالم و ما يخص المقابلات
يا ربي ريحنا من الاصابات باش منتخبنا يحقق المعجزات
++++++++++++++++++++++++++++++++++++++++++
انا اعصابي رايحت تتلف و بالنجليز و الماريكان راني نخرف
قلبي بدا يرجف و الدم فيا انشف ياربي بيا الطف
مازال ايام و علامنا في جنوب افريقيا يرفرف و نشيد قسما رايح يتعزف
فرحتي بمنتخب بلادي ماتوصف لانو قدامو حاجة ما توقف
منتخبنا دار المستحيل باش يتاهل راك عارف و راني واثقة فيه و الدزاير رايحة تتشرف
الفرحة تعم كل دار و كل سقف و تعم بلاد المليون شهيد و خمس ميات ن الف
يالنجليز راني عليك نعطف لانك رايحة تتعرضي لاسوء موقف
ماينفعك لاجيرارد لا بيكام المتعجرف لانو زياني راه فيكم حالف
يالماريكان اصبرو علينا لانو فرحتكم رايحة تنخطف لانو جبور رايح يتحفكم باجمل هدف
بلاما نهدر على سلوفينيا للي رايحة باذن الله تتنسف
الجزاير رايحة تتنصف بعد عار النمسا و الالمان اللي خدعونا بالهف
و التاهل للدور الثاني رايح يتخلف و يكملو مشوار بلومي ومحي الدين خالف
بوان تو ثري فيف لالجيري في جوان الكل رايح يهتف و تحيا اللاعبين تاوعنا من زياني لمترف
يالماريكان و يالنجليز الخضرة ماتساعف ونقوللكم بللي واحد ماهو خايف
بكل احترام و افتخار نوقف ونقوللكم انتم خير خلف لخير سلف
العالم الكل رايح يستعرف ويعرف انو تاهلتو باستحقاق وماشي بمحو الصدف
منتخبنا مع الكبار يعرف يتصرف و لاعب الجزايري على لعلام يقدر بحياتو يجازف
حب الخضرة مايتشرى ما يتسلف وياللي تقراه خليلي رد ولانزعف
و ماتغلقوش تعيش يامشرف
منقول
