تكون الامور ماشيا نورمال حتى تجي دعوة تاع العرس تعلن حالة
الطوارئ تتقلب الدار ويكثر الحس لكان تحوس عل تلفزيون ماتلقاهش علا خاطر دارو فوقو
لحوايج ويدخلو لغرفة العمليات ولمراي من وحده لوحده هادي تسشور ولخر تمكيج ولخرى
غضبانه روب تاعها شافوها فالعرس لي فات وتنوض لجارتها بش تسلف وتتودد بوليدها ولا
باباها ربي يشدلك فيه ويخليهلك ابعثيلي سنسله ولا روب ولا حدايد غير يكمل لعرس
نرجعهالك وديما حاجتها ماشي مليحه وفلانة يطيحو عليها لحوايج تقول تشري بالدموند ولخر
تىلقاها تفهم فالفيزياء وحابه تدوش بالبارد بش يتحكم جسمها ههههههه قالولي برك مش
متاكد ومانفهمش فالتمدد والتقلص
وكي يقلهم الاب يالله تسمع غير استنا واصبر ومزال شوي وزيد ربع
ساعه ومبعد تولي نص ساعه وكي يجو خارجين بسلامتهم ويتنهد الاب تنطق بنت وتقلهم
ستناو نسيت صاك ولا مش عارف واش نسات هههههههه وتجيب معاها فالصاك محل لمواد
التجميل
هادي حالة النسا اما عد الرجال يتعرض يقلو خلاص نجيك وقت لغدا ولا
لعشا مايعدل مايحير ماايسلف والمكسي بحوايج الناس عريان
جا فصل الصيف وربي يكثر افراحكم