واش دير كون جيت في بلاصتي

واش دير كون جيت في بلاصتي

مرات لواحد منا يصراولك مواقف في حياتو وكل واحد كيفاش يتعامل مع هداك الموقف
باريكزومبل وحد لمرة جاونا دار عمي من فرانسا ولاعبينها طول لحطة وتبياش طفل صغير
تجي تهدر معاه يفوتوه دموعو فرماج غير تمسو تحصل فيه ومولفينو بالدلال لحاجه لي
يشوفها يقلك ليا تنحهالو يبكي تعطيهالو يكسرها واش درت معاه ديما خاسر .. ايا راني شافي في هاداك نهر
نوضوني بكري تقول رايح نسقي كنا عارضين
جماعه تقول شم ريحتهم بدا يدير فالحس ماتحسبوهش حس عادي ياو يهزك من لارض وبدا باختي
صغيرة ضربها لقيتها تبكي في حالة مش موالفه تبكي عرفت السيد ضربتو حنينة جات يماه
بش تضربو قالها خويا خليه واش يعرف راهو
صغيروعطاني دراهم وقالي روح اضرب دورة بالطوموبيل وكشما تشريلو وعطاتني مرت عمي سنسلة تاع ذهب قاتلي شوف عد
لبيجوتري وشحال سومتها مش عارف كفاش كانت حاملتها في رقبتها وهي توزن كيلو هزيت طفل
كان قلبي محروق علا تور بالطوموبيل
ماعرفتش كفاش هبطت دروج ولقيت روحي عد طوموبيل وسي مشاكل معايا وحبست
طوموبيل فالشارع تفكرت ختي قلت نديها معايا حرام خليتها تبكي طلعت نجري كيما قبيل
بش نجيبها وكي رجعت مالقيتش سنسلة ونا متاكد خليتها فالطوموبيل سقسيت الطفل لقيتو
مش حاط معايا وين حطيتها شكون فتح لباب سنسلة وين والو تقول نهدر مع حيط تقلقت
وعيطت عليه بدا يبكي ارواح نت وسكتو ضرك.. شفت شارع فارغ يصفر مكاش لي يتلاح
للطوموبيل وكي تلقا واحد فالشارع زعم واش
تقلو غير تسقسيه يقلك تسرق فيا.. رجعت الطفل ودخلت للدار قعدت كي ليتيم نتفكر شكون
لي صبحت عليه لقيتو خوه لاخر كيف كيف فولة وتقسمت

جات مرت عمي قلت
نبداها خير ماتبداني اوموا يكون عندي لافونطاج عليها... شوفي يامرت عمي ياك الدنيا
فانيه والموت كاينه وكلشي رايح والدنيا كلش مكاتيب ماهي لا قفازة لا رخيف ولي ماشي
كاتبة من الفم تطيح ..قتلي ايه عندك لحق بصح روح واذا فاتتلك 8 ملاين بيعها بلا
ماترجع ليا .......كفاش نقولهالها كان تطيح كريز ضرك ونولي في ورطة جديده .....خويا
معول عليه يعاوني بش نفهمها راح قالها اواه تجيب عشرة ملاين الذهب ماشي هاد ليامات
...ونا ماقيت مانقول حطيت راسي في لارض وبقيت نخمم ونشوف في بنت خالتي تضحك قلت في
قلبي وهادي وقتاش جات ولا بايته هنا ...نسلك من هاد لمشكل ونلها بيها.عالضحك...
مبعد..جماعه شافوني خلاص ماعدش نكزيستي قالولي جيب لبنت خالتك لي قاتلك عليها راهي
لقاتها طايحه فالشارع ومرت عمي قاتلي و 8ملاين حيروك هكدا ورجعوك تعرف المكتوب
والدنيا فانيه لي مايعرفكش يقول هادا مارتن لوثر كنج ...وو..روح اشري منها بورطابل
ليك عالحيرة لي درتهالك ودي خوك معاك تقصد في بنها حوس بيه وجيب للطفله واش قاتلك
وعطيلها لبشارة 100 الف شفت في خويا وقتلو ونت لمعلم لي وليت تفهم في سوق ذهب كشما
خصك نجيبلك بداو يضحكو ورجعت ليا الروح ....لكان جيت في بلاصتي واش دير ؟؟

صبرك الى ربي واش باه دير ربي كبر قلبك .... المهم كي فاتت على خير

علبالك عجبتني القصة والله روووووووووووعة

ولوكان جيت في بلاصتك راه نصبر ونحاول نفهمهم الوضع

مشكوووووووور على الموضوع

وعلى هذا الفضاء لنقاش

تقبل مروري