حب الانترنت بين الحقيقه والاوهام~~~ اقرا وقول رايك ~~~
3 مشترك
كاتب الموضوع
رسالة
N A 28 عضو أستاذ
عدد الرسائل : 917 العمر : 30 نقاط : 1008 تاريخ التسجيل : 18/04/2010
موضوع: حب الانترنت بين الحقيقه والاوهام~~~ اقرا وقول رايك ~~~ الإثنين 31 مايو 2010 - 12:49
ممكن تختلف ميولاتنا ورغباتنا لكن الكثير منا يبحث عن الحب .. الي ملقاهش على ارض الواقع .. ولا بسبب ظلم الزمان .. الكثير اللي مقدرش يلقى انسان ولا انسانة تحبو برا ...جا للمنتديات .. يحوس عل قليل من العاطفة .. على قليل من الحنانة او الحب .. بعدما تغلقو عليه بيبان الحياة او لانو يحس ان ناس المنتديات هما لي يفهموه صح ويقيموه علا خاطر الاحكام فيها لاتخضع لا للشكل ولا للسن ولا للماديات هنا كاين العقليه والاخلاق برك لباقي لوح للواد وتزول معاها كل اشكال الطبقيه لي خلقتها عاداتنا غني فقير شابة ولا تشبه للربعه تاع صباح تروح كامل يبقا اسم مستعار وديما يكون مختار بعناية فائقة كيما الوفا طبعي ..اسيرة الشوق. امير الظلام ..sweet girl ..rose rouge...طول يديك عالسطح بعدما تعقدت الامور .. وتعقدت المفاهيم ... وسماطت الحياة هاذي بشئء كثير الكثير لي ارتبط بميساج تاع طفلة والكثير اللي تستنا في بسودو تاع سكايب يولي اخضر تفرح ويتحلو عينيها...وبعد ساعه عد الميكرو يضياقو من ضو ويروح فارس الاحلام يمكن سمحنا في حب حياتنا الحقيقي .. وارتبطنا بعالم virtuel وهمي وافتراضي علقنا امال على صوت رقيق .. تخيلنا من وراه طفلة شابة و تعلقو بنات بصوت ورنة .. يعكس رجولية من ورا شاشة كمبيوتر نتبادلو les emails .. ونتبادلو les sms نرهنو قلوبنا بحروف تاع clavier ساعات تفرحنا وسوايع تهبطلنا المورال بصح مكانش قدامنا العبد هذاك ومانلقاوهش فساعات الفرح ولا ساعات الشدة ..وهاذي لي تزيد فالعذاب ياك يقولو حاجه فالجيب ويلا عشرة فالغيب كيفاه تخلي قلبك يتعلق ويدمن علا programe .. هو مسنجر سكايب ولا ياهو ولا منتدى مراد ولا اي منتدى اخر تخممو في كتبت الشخص هذاك ..في عقليتو ... في اذا كان يبادلكم نفس الشعور ... تخممو surtt في تواجدو معاكم في الحقيقة .. ربما طويل .. ربما قصيرة .. ربما اسمر .. وربما روجية ... ربما عينيه كحل .. وربما عينيها قهوي ... لكن كي تطفي الميكرو تلقى روحك وحدك في شومبرة .. ما يونسكش غير صوت خارج من تلفزيون .. ولا غنية ولا تشد يدك بمسلسل ولا فيلم تتخيل روحك نت البطل فيه وتسقط المشاهد علا حالتك يالزوالي ويروح بيك تخمام بعيد لكان ..لكان ... حتى يديك النوم وماتسلكش حتى كي ترقد تعاود تشوف افلام واحلام وووو...راكم تعرفو خير مني نحوسو على حب ننسخوه من ميكرو بعيد .. و نلصقوه في اليميكرو تاعنا .. من قلب virtuel ..لقلبنا حنا اللي هو riel Un peu d'amour, copié-collé نبقاو نهدرو ونحكو حتى نديرو le plein d'amour téléchargé .. وكثير ما يساعفناش الحظ ولا مايكونش معانا زهر ليام ..ويروح le contacte هذاك ... و يختفي البسودو هذاك في المنتدى الفلاني ولا تروح الانترنت اذا ماخلصهاش وتحكمو لاكريز وتصيبو نهار لي يخلص فيه الانترنت تقول جاب الاستقلال اوربما تتطور العلاقة وتولي par tel .. وربما لقاء .. بصح هاذي نادرا وين صرات خطراش كون تتولهو مليح العباد هذوك ديما تلقاوهم بعاد عن بلدانكم عن ولايتكم وربما عن بلدياتكم .. هذي هي الحياة virtuel وتكثر التخيلات حتى بعد ماتسكر الميكرو الطفلة تشوف فيه le prince charmant tant attendu والطفل يشوف فيها la belle au bois dormante
بصح كاين 3% من قصص المنتديات تكمل بزواج و يتوج فيها هاذ l'amour online بارتباط
والباقي اوهام .. بصح هي حاجة تصبرو بيها رواحكم لان حياتنا العادية متخليكمش تعيشو كيما حابين .. لان حياتنا العادية كي تقول نحب حرام وعيب .. وكي تقول العيب و تدير الحرام ...normal
وكي نقلكم هكدا راني حاس بواش يصرالكم علا خاطر راني الان نستنا فالبسيدو تاع سكايب بش يولي اخضر قولو نشااااااااااااااااااااالله ...من خلال هاد الموضوع حاب من كل واحد ولا وحده اذا راهي تنطبق عليها هد الكلمات وتستنى فالمسنجر ولمسان ولا سكايب تاعها بش يفتح فارس احلامها ولا تفتح اميرة قلبو يكتب111111111111111 واذا خاطيك وتدخل للانترنت بش تعقب لوقت برك وتسكر لميكرو بلا احلام اكتب ولا اكتبي 222222222222222 واذا راكم حابين تعرفو رايي انا رايح نكتب 333333333333333 علا خاطر اخلاف واش قلت نحب نسجل فالمنتديات مشاتلي فالدم ومانقدرش نقلكم قداه منتدى خدمتو ولا قداه منتدى مشارك فيه علا خاطر مايتحسبوش ونعتبر كل منتدى محطة ولا ولايه ولا بلد جديد عني ونحب نعرف ناسو كيفاش راهي تخمم واش راهم يديرو ابار صا يبقا عندي مشكل كبيربلاك راكم عرفتوه ...ايه... قلبي ولااااااااااااففيه8GB
sweet girl عضو مبدع
رقم العضوية : 147 عدد الرسائل : 962 العمر : 30 نقاط : 1152 تاريخ التسجيل : 18/08/2009
موضوع: رد: حب الانترنت بين الحقيقه والاوهام~~~ اقرا وقول رايك ~~~ الإثنين 31 مايو 2010 - 15:44
لا يا نورد دين مشي كيما هاك كيماقادر تحب في وقاع قادر تحب بنت صدقني انا جربتها ونجحت وهدا راي ولقيت الحب لي ملقيتهش في واقع وكل واحد وزهرو وكل واحد ونيتو وكل واحد وعقليتو ههههههههه نونو وقيلا باغي تجربه حب نت
samir عضو جديد
عدد الرسائل : 5 نقاط : 7 تاريخ التسجيل : 25/05/2010
موضوع: رد: حب الانترنت بين الحقيقه والاوهام~~~ اقرا وقول رايك ~~~ الإثنين 31 مايو 2010 - 16:11
حب الانترنت بين الحقيقه والاوهام~~~ اقرا وقول رايك ~~~