عدد الرسائل : 5 نقاط : 7 تاريخ التسجيل : 25/05/2010
موضوع: ممنوع دخول البنات..للرجال فقط ~ بقلم نونو ~ الثلاثاء 1 يونيو 2010 - 16:58
كل دوا كاين كل دوا موجود..وراك يازوالي وراك ياقليل
ليوم رايحين نحكو علا موضوع جديد وكيما تعرفو قاع لي تتلاقا بيه يقلك كاش جديد كاش نوفال ايه كااااااااااااين ريح واسمع معانا النوفال جيب كاس تاي وحل وذنيك مليح اااااااااااه سكر لباب وراك قلنا لموضوع للذكور برك سمحيلنا اختي الاجتماع مغلق ما نبداش فالموضوع حتى تخرج لبنت لي دخلت ....ايوا وين نروحو نلقاوهم ..
.باسم الله مش رايح نبدا خطابي باسم الثورة ياك عارفين الثورة كلمة غالية مي في هاد زمان ولات ناس تبزنس بيها ويقلك باسم الثورة وكيما يقول جاري سعدي الشاعر لمسيلي ...
ما رنيش على الرجال أهل النعرة لي كلمتهم ما لقلت منين تبان ما رنيش على البزوز الى تقرا و مارانيش على الي سكنو لكفان مارانيش على الشجرة و الحجرة وما رانيش على الولية و الحيوان مقصودي رعيان ما ليهم جرة و كي عكست ليام و لا ليهم شان كانو مدسوسين في وقت الثورة و ياسر منهم كان في صف العديان ضروك جاب شهود و ادخل الثورة و اخرج عندو كاميو قهوة وبلان لحقولو رابيل حج وزاد امرة و اصبح في التاريخ يفتي بالبرهان و يعود يقول بيا واش صرا كي كنا في الجيش أنا و حياة فلان فوق احمار و لاحقتني طيارة ذاك الشي و ضربتها بين الجنحان و اهجمت على شار بعمود و حجرة دقدقتو و قديت في جدو نيران أخزيهم يا خالقي في ذالدشرة ذا الحركة لي عايشين بالبهتان و أرحم من شافو الكحلة و المرة ماتو شهداء على الصدق و الايمان متعهم بالحور في الجنة الخضرة و اسكنهم يا خالقي خير الجنان..
البزوز:عند الغرب الاطفال الصغار...النعرة :هي العزة والانفة...مدسوسين :مختفين...شار: مدفع
ومارانيش رايح ندخل لموضوعي باسم التضحيات يا ك راكم عارفين كل مايقلولكم تضحيات معناها بش يرقدو بيكم شغل مخدر ورانا فال 2010 ني رقاد ني تكلا ح جينا اليوم بش نحكيولكم علا موضوع شغل الراي العام ...هاني بديت نرقد بيكم ايا فاصي تاع الراي العام وخليها سامبل راح وقت الكلور والتزواق موضوعنا من الدين بصح حنا بعاد عالدين ونهار لي يكتشف الغرب نظريه نتفكرو الدين ونقلولهم هادي عدنا من 15 قرن صح نومكم هدا وين فقتو بيها ... علبالي طولت عليكم موضوعنا ليوم يحكي علا تعدد الزوجات وراك يالي غالباتك مرتك ومش مخلياتك تجيب عليها ضرة وتحكم فيك ارواح هنا عدنا الدوا هنا نورولك واش تقلها هنا ننفضو عليك الغبرة ونرجعوك تبريي ...شوف معانا واقرا العلم الحديث واش اكتشف
عزيزي الزوج ، ليس لك عذرٌ بعد الآن في الاكتفاء بزوجة واحدة ، فإن كنت من الذين يحبون زوجاتهم ويخشون أن تأتي واحدة وتأخذ مكانها في القلب، أو إن كنت ترغب بالتعدد لكنك (تخاف) من زوجتك وتبحث عن عذر مقنع يثبت لها انك تحبها وأن مكانها في القلب محفوظ ولن يتغير حتى لو تزوجت (ثانيه وثالثه ورابعة) عزيزي الزوج ، اكتشف علماء الطب أن قلب الإنسان مقسم إلى أربعة أقسام (أذين أيمن وأذين أيسر وبطين أيمن وبطين أيسر) ومن هذا الاكتشاف (المهم) استدلو على أن قلب الزوج قادر على استيعاب أكثر من حبّ وأنه مهيأ تماماً للتعدد.. (مثنى وثلاث ورباع). فسبحان الخالق العظيم (الذي خلق كل شيء فقدره تقديرا) إنها حكمة الله.... لتضمن لكل زوجة مكانها الخاص في قلب زوجها. أيضاً في هذا الاكتشاف (الخطير) إجابة شافية.. كافية... وافية.... لكل امرأة لم تستوعب فكرة التعدد... وتستغرب (كيف يمكن للرجل أن يحب أكثر من امرأة في وقت واحد)!! ههههههههههههههههههه تفكرت حاجه غصبني الضحك انا نحكيلهم عالتعدد وروح جيب ربعه ونسيت وراه الراجل لي يجيب ربعه ياك لا خدمه لا قدمة لا دار لا مستقبل كون غرضو يلقا مرا يعطوهالو بالفاسيليتي مايقدرش يجيبها ضربه وحده راكم عارفين تكاليف العرس وتشراط تاع هاد ليامات لمرا تتمنا نص راجل يسترها ونهار ادبر هداك النص في جيبها تطلب منو الدنيا اكل وموالين الطفله كي يسمعو بيك تحوس عالبنت يفرحو ويقلولك ارواح بيديك فارغين ونهار يسكرو عليك لباب يجبدولك ليسته واشمن شوبره كوشي واشمن تلفازواشمن ماشينا لافي ولحوايج لي تستيكي بيهم نص ماقازين تاع مواد تجميل وترحل كوافيروالبيجوتري للدار ونت ساكت ياك يقولو الطير الحر كي يقبض مايتخبطش .. وراك تشعل اذا ماقالولكش تسكن وحدك وتشريلها ميكرو وتزيدلها لنترنت بش تنح علا روحها شوي ومكان حتا قارونتي سمانة لولا انا نضمنلك دير كونطرا مع طبيب وتولي تفهم فالدواوات اكل يرجعوك فارماسيان ههههههههههههههههه ايه نتوما لبطالين والشوماره ولحطيست راني خممت عليكم ومانيش ناسيكم وجبتلكم لحل معايا ولحل تاعكم كون تاخدو رايي كيما لقهوة تاع نزيار فالاشهار يقلك كونسونطري ايمالا هكداك جيب وحده هنديه كونسونطري كي تصرفها في بلادنا تجيبلك ربعه اذا ماحقروكش فالسومة قتلك هنديه علا خاطر لماجوريتي تاعهم مسلمين وابار صا فالهند داب راكب مولاه ايه لبنت هي لي تخلص لمهر ومواليها يحيرولك فالشروط تاعك هدا علاش نحب الهند تقدر تدير لافير تاع عمرك ثم ايا تخيل تجيب ربعه هنديات ...ايه تعيش روا ..ولي يقلك لهنديات مكاش منهم قلو شوف اخويا وعينك هي ميزانك ولي بعينيه لا توريه
وفي الختام .. ولأنني أتوقع أن يأتي شخص كريم ويقول لي أن (قلب المرأة) أيضاً له نفس الأقسام فإنني سأوضح له المسألة قبل أن يكلف نفسه ويأتي ليسجل ملاحظته .. ياخويا ماديرونجيش روحك.. أنا معك في أن المرأة لها نفس الأقسام ، ماغابليش هذا الشيء ولدي الرد (العلمي) بالنسبة للمرأة فقد أوضح (علم النفس) هذه المرّه .. ما يؤكد كلامي حيث ورد في كتاب (التعميم والتخصيص في فنون التشخيص) ما يلي ..: (.. والمرأة يمنعها من التعدد أن الأماكن الأربعة مخصصة للغريزة والفطرة والعادة والإرادة.. فأما الغريزة فهي الأمومة وحب الأطفال، وأما الفطرة فهي الأنوثة وحب التزيّن، وأما العادة فهي التسوق وحب الشراء، وأما الإرادة فهي الزواج وحب الزوج.. )
رانا هنا نقصرو برك ماديروش علا كلامي اذا المشرق يقولو من لم يتزوج شامية مات اعزب حنا نقولو من لم يسمع جزائريه مات اصما .....هادي تسمع برك ايماجيني تزوج............... مكان لاه نحكيلك ....تحية لكل جزائرية
samir عضو جديد
عدد الرسائل : 5 نقاط : 7 تاريخ التسجيل : 25/05/2010
موضوع: رد: ممنوع دخول البنات..للرجال فقط ~ بقلم نونو ~ الثلاثاء 1 يونيو 2010 - 18:29
توضيح بسيط للاعضاء الاعزاء : سمير = N A 28 ههههههههههه ماتتقلقش قناص تغيير اضطراري نظرا لتعرض نور الدين الى البطاقة الحمراء في الدردشة من طرف الحكم كوفي كوجيا نشاء الله نلقا فرصه نكتب فيها كلمات وداع مانظنش نرجع للمنتدى
sweet girl عضو مبدع
رقم العضوية : 147 عدد الرسائل : 962 العمر : 30 نقاط : 1152 تاريخ التسجيل : 18/08/2009
موضوع: رد: ممنوع دخول البنات..للرجال فقط ~ بقلم نونو ~ الأربعاء 2 يونيو 2010 - 2:40
هههههههههههه سمحلي انا داني فضول ودخلت الله غابل منقدرش نصبر بصح كي قريت بغيت نطردق نقلك حاجة انا حنوني ميبدلنيش لا بهندية ولا رومية هههههههههه انا وحدي ان شاء الله يا ربي وشفى عليها يا سمير قاعد تحرش فيهم علينا ياه معليش يجي نهاركم
امير الضلام عضو جديد
عدد الرسائل : 7 العمر : 28 نقاط : 12 تاريخ التسجيل : 24/05/2010
موضوع: رد: ممنوع دخول البنات..للرجال فقط ~ بقلم نونو ~ الأربعاء 2 يونيو 2010 - 3:45
شكرا لك موضوع شيق
sarah wafae عضو متألق
عدد الرسائل : 306 العمر : 30 نقاط : 332 تاريخ التسجيل : 03/03/2010
موضوع: رد: ممنوع دخول البنات..للرجال فقط ~ بقلم نونو ~ الأربعاء 2 يونيو 2010 - 5:14
اسمحلي خويا سمير انا تاني فضوليه ودخلت وقريت صح انا ماعنديش حنوني في هذي الفترة بصح راني متأكدة بلي مايبدلنيش بوحدة هندية كيما اشواريا راي واحنا واش راه خاصنا الحمد لله رانا ملاك وشكرا لك على الموضوع بصح جاي الوقت تاعكم ماتخمووووووووووووووووش
N A 28 عضو أستاذ
عدد الرسائل : 917 العمر : 30 نقاط : 1008 تاريخ التسجيل : 18/04/2010
موضوع: رد: ممنوع دخول البنات..للرجال فقط ~ بقلم نونو ~ الأربعاء 2 يونيو 2010 - 10:16
خوخة . محمد . وفاء ..نورتو الموضوع في انتضار باقي الاعضاء
