التريسيتي فالجزائر تجي بش تروح

موضوعنا اليوم علا تريسيتي
في بلادنا يعني ماهيش غريبة ممكن واحد من المريكان او
فرنسا او بريطانيا يتخلع ويتغاشى كي يسمع تريسيتي مكانش يعني اصلا الدماغ نتاعو
ميحملش الخبر هذا وميتصوروش بتاتا .وممكن يحاكموك جنائيا لانك كنت راح تقتلو
بالخلعة يعني محاولة قتل مع صبق الاصرار والترصد 10
سنين فاسيلمو فالحبس .
احنا الجزائريين نخالفو النظام
لهذا احنا معروفين كونيا ومابين المجرات .حتى سكان زحل على بالهم بينا لهذا ماهمش
حابين العلماء نتاع الارض يكتشفوهم خوفا من الشعب نتاعنا .
المهم .ارواحو
الان نحكو على فوائد انقطاع التيار الكهربائي هذا درس جديد ان شاء الله العام
الدراسي الجديد تلقاوه مقرر و تفوتو عليه امتحانات الباك .
نجو لاسباب انقطاع التريسيتي .
من الاسباب الاولى هي الحرب
بلاد فيها حرب النار شاعلة القنابل المنشئات التحتية محطمة كل شيء خراب في خراب .
جاوبوني الجزائر كشما فيها حرب .
ايضا من الاسباب فقر الدولة دولة فقيرة معندهاش الطاقة الله غالب المكلة
وهاربة عليها كيفاش يخمو في التريسيتي والتلفاز والاضاءة والانترنت ياحسرااااااه
دولة فقيرة .
والان جاوبوني الجزائر دولة فقيرة مخصوصة زوالية .
كدلك المناخ القاسي والكوارث الطبيعية الكبرى
والاعصارات المدمرة التي ماتخلي لا كابل
ولا عمود كهرباء ولا حتى محطة توليد طاقة .مثل كاليفورنيا ولا البنغلاداش ودول
اسيا الجنوبية
الجزائر الامنة على طول العام
تصب قطرة ماء تروح التريسيتي تتحرك ورقة نتاع شجرة تنقطع الكهرباء يسعل واحد ولا
يعطس ومايديرش يدو علا فمو يظلمها عليك
هل التريسيتي نتاعنا حساسة ومرهفة الاحساس على
تريستي نتاع كليفورنيا .
كي راهي حساسة علاش لي تحكمو يدخن , حتى يبقى غير العظم لما تخلي الدولة الخيوط مرمية في
الشوارع والحارات .
هل الجزائر منطقة كوارث من
الدرجة العليا .
ايضا من اسباب انقطاع الكهرباء
صعوبة التضاريس جبال واودية ومساحات كبيرة وسلسلة جبال شاهقة .
هل دزاير فيها طلعة وهبطة.........................
اعلى قمم فيها هي الدودان اللي في الطريق اذا
سؤال لماذا تنقطع الكهرباء عن مدننا
الان خلونا نستخرجو الفايدة من الدرس .
الليلة
اللي تتقطع فيها يتلم العيال في غرفة واحدة على شمعة المحبة والوئام في وسط حكايات
جدي وجدتي المملة عن ذكريات 1900 واحسب .ومرة علا مرة واحد يلوح فيك فردة فالظلمة بش يضحكو شوي
منعرف يقيسك فالجبهه ولا العين
كذلك يذوب كل شيء الماء البارد والمؤكولات تفسد والخضروات وهادي فيها
فايدة الماء البارد في السخانة مضر بالصحة ممكن القراجم يمرضو وتعشي في الطبيب
والدواء .
يطفى الميكرو والانترنت ومتقدرش تدخل لمنتدى
الفضل وهاذي بحد ذاتها فائدة عظيمة علاش
لانو راح يتوحشوك الاعضاء وراح
ترتاح من الرسائل الخاصة ارسال واستقبال وتعرف لي توحشك ولي اصلا ماعرفش راك غايب
.........
ايضا الانقطاعات المتكررة تحرق الاجهزة وتدمرها
وبهذا الجماعة نتاع اصلاح الاجهزة يخدمو
علا رواحهم شوي
انقطاع الكهرباء في وقت القيلولة وفي الليل لما
يكون الحال سخون يخليك تحوس علا بلايص باردة ومريحة في الدار و تكتشف مناطق سياحية
ومنتجعات صيفية في البيت مثل البالكون والسقف والحوش وحتى في الشارع .وهكذا
ايضا تخلي وتتهنا من عياط باباك ولا يماك
سكر لميكرو سكر تلفزيون نقص صوت واش هاد لحس ...ترجع دار مسكته رحمة ربي
نستا في ردودكم ادا عدكم تريسيتي وفاتحين
لميكرو ..تهلاو في ارواحكم وماتنساوش وجدو شمع بلاك تروح عليكم فاي لحظه

اين الردود ؟